Bu gün Sumqayıt hadisələrinin 33-cü ili tamam olur

28 fevral 1988-ci ildə Sumqayıt şəhərində baş vermiş iğtişaşlar nəticəsində 26-sı erməni, 6-sı isə azərbaycanlı olmaqla 32 nəfər ölmüşdür.

Təəssüf ki, əsil təşkilatçı və icraçıların əvəzinə hadisələrin təşkilatçısı kimi azərbaycanlı Əhməd Əhmədov mühakimə edilərək ölüm hökmü ilə cəzalandırılmış, hökm yerinə yetirilmişdir.

Sumqayıt faciəsi zamanı yüzlərlə azərbaycanlı ailəsi öz həyatlarını təhlükə qarşısında qoyaraq, erməni qonşularını qəzəblənmiş kütlənin təhlükəsindən xilas etmişdir.

Sonralar Ermənistanda ilk təxribatçı və cinayətkar qurumlardan olan qondarma “Qarabağ” komitəsinin rəhbərlərindən biri və Ermənistanın birinci və işğalçı prezidenti Levon Ter-Petrosyan müsahiblərinin birində demişdir: “Sumqayıt hadisələrindən sonra Azərbaycan xalqı şok vəziyyətinə düşmüşdü. Əgər ölkə rəhbərliyi bu məqamdan istifadə edib DQMV-nin Ermənistana birləşdirilməsi haqqında qərar çıxarsaydı Azərbaycan xalqı buna etiraz edə bilməyəcəkdi”.

Ermənistanın tanınmış siyasi xadimlərindən olan Paruyr Ayrikyan da “Sumqayıt hadisələri Moskva tərəfindən təşkil olunmuşdu”, – deyə bidirmişdir.

Bu hadisələrin Moskva tərəfindən törədilməsini SSRİ Dövlət Təhlükəsizlik Komitəsinin o vaxtkı sədri N.Kryuçkov da etiraf etmişdir.